Ազգային Առաջնորդարանի դիւանը հետեւեալ հաղորդագրութիւնը յղեց Թեմիս եկեղեցիներուն.-
Սուրիոյ աղէտալի դէպքերուն ու անոնց հետեւանքով՝ երկրի հայկական մեր օճախին կրած վնասները ծանօթ են μոլորիս։
Մեկնելով Ս. Աթոռոյս գահակալ Ն.Ս.Օ.Տ.Տ. Արամ Ա. Կաթողիկոսի կոչէն, Արեւմտեան Միացեալ Նահանգներու մէջ եւս ձեռնարկած ենք Սուրիոյ հայութեան զօրակցութիւն հասցնելու աշխատանքի մը, համատեղ ճիգերովը գաղութիս երեք յարանուանութեանց հոգեւոր Առաջնորդներուն, երեք կուսակցութիւններուն ու μարեսիրական միութիւններուն։ Ուրախ ենք յայտնելու, որ արդէն իսկ կազմուած է ներկայացուցչական հանգամանքով «Սուրիոյ Հայութեան Զօրակցութեան Միացեալ Գործադիր Մարմին» մը։
Այսու կը թելադրենք մեր ծխական շրջաններու հոգեւոր հովիւներուն եւ հոգաμարձութեանց, որ ընդառաջելով յիշեալ միացեալ գործադիր մարմինի յանձնարարութեան, այս Կիրակիէն սկսեալ, համապատասխան յայտարարութիւններով ու կոչերով մեր եկեղեցիներուն մէջ գործնապէս սկսինք նուիրահաւաքի. գոյացած գումարները գործադիր մարմինին միջոցով պիտի փոխանցուին Մեծի Տանն Կիլիկիոյ Կաթողիկոսարանը, որ պիտի կատարէ անհրաժեշտ փոխանցումները։
Չէքերը կարելի է արձանագրել եւ յղել հետեւեալ ձեւով.-
“Syrian Armenian Relief Fund”, հասցէ.- P. O. Box 1948, Glendale, CA 91209-1948.
