Հայ-Ամերիկեան Բժշկագիտական Ընկերակցութիւնը իր 30րդ տարեդարձը նշեց Շաբաթ, 7 Մայիսին, պաշտօնական ճաշկերոյթ-ընդունելութեամբ մը, որ տեղի ունեցաւ «Պեւըրլի Հիլզ» պանդոկին մէջ: Այս առիթով, պատիւի արժանացան Հայաստանի Ամերիկեան Համալսարանի նախկին նախագահներէն՝ Տոքթ. Յարութիւն Արմէնեան, ինչպէս նաեւ Կլենտէյլի Adventist Medical Center-ը եւ Dignity Health Glendale Memorial Hospital and Health կեդրոնը:
Առաջնորդ Սրբազանը ներկայ եղաւ տօնախմբութեան եւ կատարեց բացման աղօթքը: Ան այս ուրախ առիթով շնորհաւորեց ընկերակցութեան անդամները, գնահատելով անոնց բազմամեայ ծառայութիւնը Հայաստանին ու Սփիւռքին: Ան նաեւ գնահատանք արձանագրեց պատիւի արժանացողներուն մասին, վեր առնելով անոնց մարդասիրական սպասարկութիւնները, ու ողջունեց այս ընկերակցութեան զօրակից եղողները:
