Ասորի Եկեղեցւոյ Ներկայացուցիչներ Կ’այցելեն Ազգ. Առաջնորդարան


Չորեքշաբթի, 29 Յուլիս 2015ի առաւօտեան, Ասորի եկեղեցւոյ Լոս Անճելըսի համայնքի Քորեպիսկոպոս Գերպ. Ճորճ Պէթ Ռաշօ, ընկերակցութեամբ ասորի հոգեւորական եւ աշխարհական ներկայացուցիչներու, այցելեց Ազգային Առաջնորդարան եւ հիւրընկալուցաւ Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանի կողմէ: Հանդիպումին ներկայ եղաւ Հոգշ. Տ. Պօղոս Վրդ. Թինքճեան:

Այցելութեան նպատակն էր Առաջնորդ սրբազանը պաշտօնապէս հրաւիրել մասնակից ըլլալու միջ-եկեղեցական արարողութեան, որ պիտի ոգեկոչէ Թուրքիոյ կողմէ Ասորի, Հայ եւ Յոյն ժողովուրդներուն դէմ 1915ին գործադրուած ցեղասպանութեան հարիւրամեակը: Հիւր ներկայացուցիչները փափաք յայտնեցին, որ Առաջնորդ Սրբազանը եւս պատգամ մը փոխանցէ միջ-եկեղեցական այդ արարողութեան ընթացքին, որ նախատեսուած է Երեքշաբթի, 4 Օգոստոսի երեկոյեան, Ասորի համայնքի Թարզանայի Ս. Աստուածածին Եկեղեցւոյ մէջ:

Հիւրերը Առաջնորդարանին նուիրեցին Ասորերէն լեզուով Աստուածաշունչ մը, իսկ Սրբազան Հայրը Առաջնորդարանի կողմէ պատրաստուած յուշանուէրներ փոխանցեց հիւրերուն: Մտերմիկ զրոյցէ մը ետք, հիւրերը գոհունակ սրտով մեկնեցան:

ՎԵՐՋԻՆ ԼՈՒՐԵՐ

Ս. Խաչ Ծխական Համայնքի 100-Ամեակ, Մոնթեպելլօ

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Ազգային Առաջնորդարանէն քրիստոնէական ջերմագոյն սիրով, միաժամանակ ազգային արդար հպարտութեամբ կ՛ողջունենք Մոնթեպելլոյի Ս. Խաչ Մայր Տաճարի... [...]

Ուսումնական 2022-2023 Տարեշրջանի Վերամուտի Առիթով

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Քրիստոնէական ջերմ սիրով եւ հայրական անհուն գորովով Ազգային Առաջնորդարանէն կ՛ողջունենք Ազգային վարժարաններու Խնամակալ մարմինը, Ուսումնական... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

October 23, 2022 October 16, 2022