Հայց. Առաքելական Ս. Եկեղեցին Շաբաթ, 8 Փետրուարին պիտի նշէ Ս. Սարգիս Զօրավարին, որդւոյն՝ Մարտիրոսին ու 14 զինակիցներուն տօնը, որ նաեւ անուանակոչութեան տօնն է Փասատինայի Ս. Սարգիս եկեղեցւոյ։ Այս առթիւ երեկոյեան ժամը 7-ին, տեղի պիտի ունենայ ժամերգութիւն։
Կիրակի, 9 Փետրուարին, Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան Ս. Պատարագ պիտի մատուցանէ, իր պատգամը պիտի ուղղէ եւ մատաղի օրհնութիւն պիտի կատարէ Ս. Սարգիս եկեղեցւոյ մէջ:
Ս. Պատարագի աւարտին, հոգեհանգստեան պաշտօն պիտի կատարուի եկեղեցւոյ անդրանիկ Հոգեւոր Հովիւին՝ Տ. Սարգիս Աւ. Քհնյ. Անդրէասեանի, երեսփոխաններու, Հոգաբարձութեան ու Տիկնանց Միութեան անդամներու եւ եկեղեցւոյ բոլոր ննջեցեալ սպասարկողներու հոգիներու խաղաղութեան համար։
Իսկ Առաջնորդական փոխանորդ Գերշ. Տ. Թորգոմ Եպս. Տօնոյեան պիտի հանդիսապետէ Հոլիվուտի Ս. Կարապետ Մայր եկեղեցւոյ Ս. Պատարագին եւ պիտի ուղղէ իր պատգամը։
