Ուրախ ենք յայտնելու, որ Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանի տնօրինումով, շարունակելով տարիներու աւանդութիւնը, Շաբաթ, 30 Յունիսէն սկսեալ ու ամէն Շաբաթ երեկոյ, ժամը 6ին, Կիրակմուտքի արարողութիւն տեղի պիտի ունենայ Ազգ. Առաջնորդարանի Ս. Տրդատ եւ Ս. Աշխէն մատրան մէջ։
Յառաջիկայ Շաբաթ, 30 Յունիսը մեր եկեղեցւոյ տօնացոյցին համաձայն, տօնն է Հայաստան աշխարհի առաջին քրիստոնեայ թագաւորին ու թագուհիի՝ Ս. Տրդատի եւ Ս. Աշխէնի, որ նաեւ տօնն է Ազգ. Առաջնորդարանի մատրան։
Կիրակմուտքի արարողութեանց պատասխանատուն է Քրեսենթա Հովիտի Հայց. Առաքելական եկեղեցւոյ հոգեւոր հովիւ Արժ. Տ. Ղեւոնդ Քհնյ. Քիրազեան։ Արարողութեանց հերթաբար ներկայ պիտի ըլլան Առաջնորդ Սրբազանն ու հոգեւոր հայրեր։ Արարողութեանց աւարտին, տեղի պիտի ունենայ հոգեւոր խորհրդածութիւն։ 30 Յունիսի խորհրդածութիւնը պիտի կատարէ Կրօնական Ժողովի ատենապետ Գերպ. Տ. Միւռոն Ծ. Վրդ. Ազնիկեան։
Կոչ կþուղղենք մեր ժողովուրդին, ու յատկապէս երիտասարդութեան, որպէսզի ներկայ ըլլան այս արարողութիւններուն։
