ՀՈԼԻՎՈՒՏ

Ս. Կարապետ Հայց. Առաք. Մայր Եկեղեցի

Արժ. Տ. Վիգէն Աւ. Քհնյ. Վասիլեան, Հոգեւոր Հովիւ

1614 N. Alexandria Ave.
Los Angeles, CA 90027

Telephone: (323) 666-0507
Fax: (323) 668-0912
Website: www.stgarabedchurch.org
E-mail: stgarabedchurch1614@gmail.com

Հոլիվուտի հայահոծ գաղութին մէջ բարձրացած է գեղատեսիլ Մայր եկեղեցին, Ս. Կարապետ անուամբ կնքուած:

Անիրականանալի թուացող երազի մը մարմին տալու չափ դժուարին աշխատանքի արդիւնք է Ս. Կարապետ եկեղեցին:  Հոկտեմբեր 4, 1975 թուականին, Արեւմտեան Թեմի Առաջնորդ Գերշ. Տ. Սմբատ Եպս. (ապա Արքեպիսկոպոս) Լափաճեանի նախագահութեամբ տեղի կ’ունենայ հրապարակային ճաշկերոյթ մը, հանգանակութիւն կատարելու ծրագրուած եկեղեցւոյ կառուցումին համար:

Մարտ 6, 1977-ին, ժողովրդային աննախընթաց խանդավառութեան մէջ կը կատարուի եկեղեցւոյ հիմնօրհնէքի հանդիսաւոր արարողութիւնը, սրահի ծածկուած տանիքին վրայ:

Շինարարական աշխատանքները եկեղեցին իր լրումին կը հասցնեն 1978 թուականի Ս. Ծնունդին:

Օծման հանդիսաւոր եւ հոգեպարար արարողութիւնը կը կատարուի 2 Նոյեմբեր 1980 թուականին, ձեռամբ Մեծի Տանն Կիլիկիոյ Աթոռակից Կաթողիկոս Ն.Ս.Օ.Տ.Տ. Գարեգին Բ. Սրբազնագոյն Հայրապետի (Ապա՝ Գարեգին Ա. Կաթողիկոս Ամենայն Հայոց):