Ուսումնական 2018-2019 տարեշրջանի աւարտին, Յունիս ամսուան առաջին երկու շաբաթներուն ընթացքին մեր վարժարանները ունեցան ամավերջի եւ վկայականաց բաշխման հանդէսները, հովանաւորութեամբ Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանի։
Առաջնորդ Սրբազանը, Առաջնորդական Փոխանորդ Գերշ. Տ. Թորգոմ Եպս. Տօնոյեան եւ հոգեւոր հայրեր ներկայ եղան հանդէսներուն եւ ուղղեցին իրենց օրհնութեան ու շնորհաւորանքի խօսքերը։
Հանդէսներուն ներկայ եղան նաեւ Ազգ. Վարչութեան, Ազգ. Վարժարաններու Խնամակալ Մարմինի, Ուսումնական Մարմիններու եւ գաղութի կազմակերպութեանց ներկայացուցիչներ։
