Հինգշաբթի, 19 Սեպտեմբեր 2019-ին, Թարզանայի Ս. Աստուածածին Ասորի Արեւելեան եկեղեցւոյ մէջ տեղի ունեցաւ աղօթքի յատուկ արարողութիւն եւ ճաշկերոյթ ի պատիւ Պատրիարք Նորին Ամենապատուութիւն Մար Կեուարկիս Սլիուայի։
Արարողութենէն առաջ, Թեմիս բարեջան Առաջնորդ Բարձր. Տ. Մուշեղ Արք. Մարտիրոսեան, ընկերակցութեամբ Արժ. Տ. Ռազմիկ Աւ. Քհնյ. Խաչատուրեանի, այցելեց Նորին Ամենապատուութեան։ Հանդիպումին նաեւ ներկայ էր Ս. Աստուածածին եկեղեցւոյ հոգեւոր հովիւ Արժ. Տ. Ճորճ Պէթ-Ռաշօ։ Հանդիպումի ընթացքին արծարծուեցան Հայ եւ Ասորի եկեղեցիներու գործունէութիւնն ու զանոնք յուզող հարցերը։
Յանուն Առաջնորդ Սրբազան Հօր, Արժ. Տ. Ղեւոնդ Քհնյ. Քիրազեան ներկայ գտնուեցաւ եկեղեցական արարողութեան եւ ճաշկերոյթին։
