Հինգշաբթի, 11 Հոկտեմբեր 2018-ի երեկոյեան ժամը 7-ին, Ազգային Առաջնորդարանի «Տիգրան եւ Զարուհի Տէր Ղազարեան» սրահին մէջ տեղի պիտի ունենայ մշակութային ձեռնարկ մը, նուիրուած՝ Մեծի Տանն Կիլիկիոյ երախտաշատ անդամներէն հոգելոյս Տ. Կորիւն Արք. Պապեանի։
Հովանաւորութեամբ Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանին, եւ գործակցաբար Համազգայինի Շրջանային Վարչութեան հետ, Ազգ. Առաջնորդարանի Մշակութային-Դաստիարակչական յանձնախումբը կազմակերպած է հոգելոյս սրբազանին յետ մահու հրատարակուած «Հոգեմատեան» հատորին ողջունահանդէսը. հատորը կը բաղկանայ բանաստեղծութիւններէն, հոգեւոր խորհրդածութիւններէ եւ պատմական արժէքով ուսումնասիրութիւններէ։ Հատորը պիտի ներկայացնէ վաստակաւոր դաստիարակ Տիար Սարօ Նազարեան, նախատեսուած է գեղարուեստական բաժին։
Մեր գրասէր ժողովուրդը հրաւիրուած է ձեռնարկին, որուն մուտքը ազատ է։
