Հ.Մ.Ը.Մ.-ի Ննջեցեալներու Հոգեհանգիստ՝ Թեմիս Եկեղեցիներուն Մէջ

Հ.Մ.Ը.Մ.-ի Արեւմտեան Միացեալ Նահանգներու Շրջանային Վարչութեան խնդրանքով եւ Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանի տնօրինումով, Կիրակի, 17 Նոյեմբեր 2019-ին, Թեմիս բոլոր եկեղեցիներուն մէջ, յաւարտ Ս. Պատարագի, հոգեհանգստեան պաշտօն պիտի կատարուի միութեան հանգուցեալ անդամներու հոգիներու խաղաղութեան համար։

Առաջնորդ Սրբազանը պիտի հանդիսապետէ Մոնթեպելլոյի Ս. Խաչ Մայր տաճարի Ս. Պատարագին եւ պիտի ուղղէ իր պատգամը։ Արարողութեան ներկայ պիտի ըլլան Հ.Մ.Ը.Մ.-ի Շրջանային Վարչութեան անդամներ։

Իսկ Առաջնորդական փոխանորդ Գերշ. Տ. Թորգոմ Եպս. Տօնոյեան պիտի հանդիսապետէ Նորթ Հոլիվուտի եկեղեցւոյ Ս. Պատարագին եւ պիտի ուղղէ իր պատգամը։