Հոգեւոր Համերգ՝ Նուիրուած Կոմիտաս Վարդապետին

Ուրբաթ, 31 Մայիս 2019-ին, երեկոյեան ժամը 7:30-ին, Փասատինայի Ս. Սարգիս եկեղեցւոյ յարկին տակ տեղի պիտի ունենայ հոգեւոր համերգ մը նուիրուած Կոմիտաս Վարդապետին ծննդեան 150-ամեակին։ Համերգը տեղի կ’ունենայ հովանաւորութեամբ եւ ներկայութեամբ Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանի, եւ կազմակերպութեամբ եկեղեցւոյ հոգեւոր հովիւին ու հոգաբարձութեան։ Ելոյթ պիտի ունենայ եկեղեցւոյ դպրաց դասի երգչախումբը, խմբավարութեամբ դպրապետ Բարշ. Երուանդ Սրկ. Քէշիշեանի։