Արամ Ա. Կաթողիկոսի Կոչին Ընդառաջ՝ Արեւմտեան Թեմը Յիսուն Հազար Տոլարի Նոր Յատկացում Կը Կատարէ Արցախի Մանուկներուն

Արցախն ու արցախցին մեր հոգիին, մեր կեանքին, մեր գործին, մեր մտքին մէջ են ամէն օր ու ամէն ժամ, քուն թէ արթուն, անոնք մեր աչքերուն առջեւ են տիւ ու գիշեր:
Արամ Առաջին Կաթողիկոսի հայրապետական կոչին ընդառաջ, ուրախութեամբ կ՛ուզենք յայտնել մեր ժողովրդեան, որ Արեւմտեան Թեմը 50 հազար տոլարի ($50,000) նոր յատկացում մը կը կատարէ Արցախին ու արցախցիին, որպէսզի այս յատկացումին ընդմէջէն Արցախի կարիքաւոր մանուկներն ու պատանիները կարենան Նոր Տարին նշել, իրենց անհրաժեշտ իրերն ու պիտոյքները, սնունդն ու հագուստեղէնը, նուէրներն ու խաղալիքները ունենալ եւ յուսավառ ու սիրալիր, մանկական անմեղ ժպիտով դիմաւորեն նոր՝ 2021 թուականը, գալիք օրերը:

Այսու կոչ կ՛ուղղենք մեր Թեմի բոլոր զաւակներուն, բարերարներուն, նուիրատուներուն եւ Արցախի ու արցախցիին օժանդակող բոլոր կազմակերպութիւններուն, որ իրենց ամանորեան նուէրներով ուրախացնեն արցախցի մանուկները եւ ընդմիշտ շարունակեն աջակցիլ աղէտահար Արցախին ու արցախցիին, որովհետեւ կարիքը մեծ է, եւ մեր ազգի վիրաւոր հատուածին ցաւը շատ խորն է: Այսօր Արցախը մեր ազգի բոլոր զաւակներուն աղաղակող խիղճն է:

ՎԵՐՋԻՆ ԼՈՒՐԵՐ

Ս. Խաչ Ծխական Համայնքի 100-Ամեակ, Մոնթեպելլօ

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Ազգային Առաջնորդարանէն քրիստոնէական ջերմագոյն սիրով, միաժամանակ ազգային արդար հպարտութեամբ կ՛ողջունենք Մոնթեպելլոյի Ս. Խաչ Մայր Տաճարի... [...]

Ուսումնական 2022-2023 Տարեշրջանի Վերամուտի Առիթով

ԱՌԱՋՆՈՐԴ ՍՐԲԱԶԱՆ ՀՕՐ ՕՐՀՆՈՒԹԵԱՆ ԽՕՍՔԸ Քրիստոնէական ջերմ սիրով եւ հայրական անհուն գորովով Ազգային Առաջնորդարանէն կ՛ողջունենք Ազգային վարժարաններու Խնամակալ մարմինը, Ուսումնական... [...]

ՊԱՏԿԵՐԱՍՓԻՒՌԻ ՅԱՅՏԱԳԻՐ

October 23, 2022 October 16, 2022