Առաջնորդական փոխանորդ Տ. Թորգոմ Եպս. Տօնոյեան, Անթիլիասի մայրավանքէն Լոս Անճելըս վերադարձին, յառաջիկայ Կիրակի, 29 Ապրիլ 2018-ն, եպիսկոպոսական իր անդրանիկ Ս. Պատարագը պիտի մատուցանէ Կլենտէյլի Ս. Աստուածածին եկեղեցւոյ մէջ, նախագահութեամբ Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանի։
Յանուն Թեմիս Կրօնական Ժողովին ու Ազգ. Վարչութեան, անգամ մը եւս կը շնորհաւորենք նորաօծ Սրբազանը, Վեհափառ Հայրապետին ձեռամբ եպիսկոպոսական ձեռնադրութեան եւ օծման արժանանալուն առիթով ու կը հրաւիրենք մեր ժողովուրդը ներկայ ըլլալու Ս. Պատարագին եւ լսելու անոր հոգեւոր պատգամը։
ԴԻՒԱՆ ԱԶԳԱՅԻՆ ԱՌԱՋՆՈՐԴԱՐԱՆԻ
