Ուրբաթ, 11 Դեկտեմբեր 2020ին, Միացեալ Նահանգներու Արեւմտեան Թեմի նորընտիր Առաջնորդ՝ Գերշ. Տ. Թորգոմ Ս. Եպս. Տօնոյեան ընդունեց շնորհաւորական այցելութիւնը Տէր եւ Տիկին Օսկօ եւ Երան Կիրակոսեաններու, որոնք եկած էին իրենց զօրակցութիւնը յայտնելու Առաջնորդ Սրբազան Հօր: Այս առիթով, ընդառաջելով Առաջնորդ Սրբազան Հօր փափաքին, անոնք Մեծի Տանն Կիլիկիոյ Կաթողիկոս Ն.Ս.Օ.Տ.Տ. Արամ Ա. Վեհափառ Հայրապետի գահակալութեան 25ամեակին առիթով, 25 հազար տոլար ($25.000) նուիրեցին Կաթողիկոսարանին, իսկ Առաջնորդ Սրբազան Հօր ընտրութեան առիթով 10 հազար տոլար ($10.000)՝ Ազգային Առաջնորդարանին:
