Ս. ԱՍՏՈՒԱԾԱԾՆԱՅ ՎԵՐԱՓՈԽՄԱՆ ՏՕՆԻՆ ԱՌԻԹՈՎ ԵՊԻՍԿՈՊՈՍԱԿԱՆ Ս. ՊԱՏԱՐԱԳ ԵՒ ԽԱՂՈՂՕՐՀՆԷՔ ԿԼԵՆՏԷՅԼԻ Ս. ԱՍՏՈՒԱԾԱԾԻՆ ԵԿԵՂԵՑՒՈՅ ՄԷՋ
Կիրակի, 17 Օգոստոս 2014ը Սուրբ Աստուածածնայ վերափոխման տօնն է, մեր եկեղեցւոյ հինգ տաղաւարներէն չորրորդը։ Այս առիթով, Թեմիս բոլոր եկեղեցիներուն մէջ Ս. եւ Անմահ պատարագ պիտի մատուցուի, ապա նաեւ տեղի պիտի ունենան անդաստանի եւ խաղողօրհնէքի աւանդական արարողութիւնները։
Աստուածածնայ տօնը նաեւ տօնն է Կլենտէյլի Ս. Աստուածածին եկեղեցւոյ անուանակոչութեան։
Այս առիթով, Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան Ս. Պատարագ պիտի մատուցէ եւ իր պատգամը պիտի փոխանցէ Կլենտէյլի Սուրբ Աստուածածին եկեղեցւոյ մէջ։
Ս. Պատարագի աւարտին, Առաջնորդ Սրբազանը պիտի կատարէ մատաղօրհնէք ու խաղողօրհնէք։
Շաբաթ, 16 Օգոստոսին, երեկոյեան ժամը 8։00-ին, Ս. Աստուածածին եկեղեցւոյ մէջ պիտի կատարուի նախատօնակի հսկում. ուխտաւոր հաւատացեալներուն համար, եկեղեցին իր դուռները բաց պիտի պահէ մինչեւ ուշ գիշեր։
Կը հրաւիրենք մեր հաւատացեալները մասնակից ըլլալու Վերափոխման տօնի արարողութեանց, խնդրելով բարեխօսութիւնը Ս. Կոյս Մարիամ Աստուածածինի եւ հաղորդուելու օրուան խորհուրդով:
***
Ս. ԱՍՏՈՒԱԾԱԾՆԱՅ ՎԵՐԱՓՈԽՄԱՆ ՏՕՆԻՆ ԵՒ ՊԻՔՖԱՅԱՅԻ ՈՒԽՏԻ ՕՐՈՒԱՆ Ս. ՊԱՏԱՐԱԳԻ ՈՒՂՂԱԿԻ ՊԱՏԿԵՐԱՍՓՌՈՒՄ “NOURSAT ” ԿԱՅԱՆԷՆ
Մեծի Տանն Կիլիկիոյ Կաթողիկոսութեան տեղեկատուութեան բաժանմունքը ուրախութեամբ կը հաղորդէ, որ այս տարի, Ս. Աստուածածնայ Վերափոխման տօնին առիթով, Շաբաթ, 16 Օգոստոսի երեկոյեան, Պիքֆայայի Ս.
buy priligy online gilbertroaddental.com/wp-content/themes/twentyseventeen/inc/en/priligy.html no prescription
Աստուածածին մատրան Ուխտի օրուան Ս. Պատարագը ուղղակի պիտի պատկերասփռուի լիբանանեան “Noursat” կայանէն:
Մեր Թեմի հաւատացեալները կրնան ուղղակի հաղորդումին հետեւիլ Շաբաթ, առաւօտեան ժամը 10ին (Pacific Time), “Noursat” կայանէն, կամ համացանցի հետեւեալ հասցէին միջոցով. http://www.noursat.tv/ar/receive-us.php?chid=2
Վստահ ենք մեր հաւատացեալները պիտի վայելեն Ս. Աստուածածնի տօնի նուիրուած Ս. Պատարագը եւ Վեհափառ Հայրապետին պատգամը։
***
