Կիրակի, 20 Յունուար 2019-ին, աշխարհահռչակ տուտուկահար Ջիւան Գասպարեանի 90-րդ տարեդարձին նուիրուած տօնախմբութիւն մը տեղի ունեցաւ Կլենտէյլի «Ալեքս» թատերասրահին մէջ, ուր առաջին անգամ ըլլալով ցուցադրուեցաւ անուանի արուեստագէտին կեանքին մասին վաւերագրական տեսաերիզ մը։
Նոյն առիթով, Երկուշաբթի, 21 Յունուարի երեկոյեան, ճաշկերոյթ մը տեղի ունեցաւ Պըրպէնքի «Արպաթ» ճաշասրահին մէջ։
Յանուն Առաջնորդ Սրբազան Հօր, Արժ. Տէր Վազգէն Աւ. Քհնյ. Աթմաճեան ներկայ գտնուեցաւ զոյգ ձեռնարկներուն։ Երկուշաբթի երեկոյեան ճաշկերոյթին, Տէր Հայրը կատարեց բացման աղօթքը եւ Առաջնորդ Սրբազանին շնորհաւորութիւններն ու բարի մաղթանքները փոխանցեց մեծարեալ արուեստագէտին։
