Երեքշաբթի, 23 Յունուար 2018-ի երեկոյեան, Թեմիս բարեխնամ Առաջնորդ Բարձր. Տ. Մուշեղ Ս. Արք. Մարտիրոսեան Ազգ. Առաջնորդարանի «Սիւլահեան» դահլիճին մէջ ընդունեց այցելութիւնը Հայկական Ոսկրածուծի Հիմնարկի վարչութեան, գլխաւորութեամբ նախագահ Տոքթ.
buy levitra online www.ecladent.co.uk/wp-content/themes/twentyseventeen/inc/en/levitra.html no prescription
Ֆրիտա Ճորտընի: ՀՈՀի ներկայացուցիչներուն համար աւանդութիւն դարձած է իւրաքանչիւր տարեսկիզբի օրերուն այցելել Առաջնորդ Սրբազանին, ամանորի եւ Ս. Ծննդեան տօնին առիթով շնորհաւորանք ու բարի մաղթանք փոխանցելու անոր, ինչպէս նաեւ տեղեակ պահելու իրենց աշխատանքներուն ու ծրագիրներուն մասին, հայցելով անոր օրհնութիւնը: Հանդիպումին Առաջնորդ Սրբազանին կողքին ներկայ էր Առաջնորդական Փոխանորդ Գերպ. Տ. Թորգոմ Ծ. Վրդ. Տօնոյեան։
Ողջոյնի արտայայտութիւններէ ետք, ՀՈՀ-ի ներկայացուցիչները տեղեկութիւններ տուին իրենց անմիջական ծրագիրներուն մասին։ Անոնք Առաջնորդ Սրբազանին հովանաւորութիւնը խնդրեցին Արեւմտեան Թեմի զանազան գաղութներու մէջ իրենց ժողովրդանուէր առաքելութեան մասին տեղեկատուութեան աշխատանք տանելու համար, ի խնդիր ոսկրածուծ նուիրաբերողներ արձանագրելու։
Առաջնորդ Սրբազանը գնահատանքով արտայայտուեցաւ ՀՈՀ-ի կամաւոր ծառայողներու նուիրումին մասին, օրհնեց անոնց ճիգերը եւ ինչպէս անցեալին, անգամ մը եւս պատրաստակամութիւն յայտնեց Ազգ. Առաջնորդարանի միջոցները ի սպաս դնելու Հիմնարկի ծառայութեանց ծանօթացման աշխատանքին:
