Հինգշաբթի, 2 Յունիս 2016ին, Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան ընդունեց Քալիֆորնիոյ Հայ Երիտասարդաց Միութեան վարչութեան անդամներու այցելութիւնը: Ներկայացուցիչները Ազգ. Առաջնորդարան եկած էին Առաջնորդ Սրբազանը շնորհաւորելու Ազգ. Երեսփոխանական Ժողովին կողմէ 6րդ քառամեակի մը համար վերընտրութեան առիթով, նաեւ ներկայացնելու միութեան ծրագիրներն ու առաջադրանքները:
Ներկայացուցիչնեը այս առիթով նաեւ Առաջնորդ Սրբազանը հրաւիրեցին միութեան հիմնադրութեան 25րդ տարեդարձի հանդիսութեան, որ նախատեսուած է 6 Օգոստոսին:
Առաջնորդ Սրբազանը շնորհակալութիւն յայտնեց շնորհաւորանքին ու բարեմաղթութեանց համար եւ գնահատեց նախկին իրաքահայերը համախմբող այս միութեան աշխատանքները, որոնք ծառայութիւն են մեր մշակոյթին ու կը միտին անոր հաղորդ պահել նոր սերունդը:
