Առաջնորդ Սրբազան Ընդունեց ՀՕՄ-ի Շրջանային Վարժութեան Այցելութիւնը

Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան Չորեքշաբթի, 24 Մայիս 2017-ի յետմիջօրէին, Ազգային Առաջնորդարանի «Սիւլահեան» դահլիճին մէջ ընդունեց այցելութիւնը ՀՕՄ-ի Արեւմտեան Միացեալ Նահանգներու Շրջանային վարչութեան, գլխաւորութեամբ ատենապետուհի՝ Տիկ. Ռեբեկա Պէրպէրեանի։

Նկատի ունենալով, որ այժմու կազմը ի մօտոյ պիտի աւարտէ իր պաշտօնավարութիւնը, ներկայացուցիչները ընդհանուր գիծերու մէջ Առաջնորդ Սրբազանին զեկուցեցին իրենց տարած աշխատանքին մասին, կեդրոնանալով ընկերային ծառայութեան մարզին վրայ, որ կþընդգրկէ գաղթականներու, ներգաղթողներու, բնակարանէ զրկեալներու եւ այլ խմբաւորումներ։

Առաջնորդ Սրբազանը բարձր գնահատեց ՀՕՄ-ականներուն նուիրումը, վերահաստատեց անոր առաքելութեան զօրակցութիւնը, եւ յաջողութիւն մաղթեց կազմակերպութեան մարդասիրական առաքելութեան։