Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան Երեքշաբթի, 2 Օգոստոս 2016ին, Ազգ. Առաջնորդարանին մէջ ընդունեց այցելութիւնը Ատրպատականի Թեմի Առաջնորդ Գերշ. Տ. Գրիգոր Եպս. Չիֆթճեանի, որ անձնական այցելութեամբ Լոս Անճելըս կը գտնուի:
Հանդիպումը առիթ եղաւ երկու Թեմերու եկեղեցական աշխատանքներու փոխադարձ ծանօթացման: Հիւր Սրբազան Հայրը այս առիթով շնորհաւորեց Թեմիս Առաջնորդը՝ Ազգ. Երեսփոխանական Ժողովին կողմէ վերընտրութեան առիթով, նաեւ՝ որոշ տեղեկութիւններ հաղորդեց Ատրպատականի Թեմի եկեղեցական կեանքին ու մասնաւորաբար Ս. Թադէի վանք ուխտագնացութեան մասին:
Առաջնորդ Սրբազանին հրաւէրով եւ տնօրինութեամբ, Տ. Գրիգոր Սրբազան Կիրակի, 14 Օգոստոսին, Ս. Աստուածածնայ Վերափոխման տօնին, Ս. Պատարագ պիտի մատուցանէ Հոլիվուտի Ս. Կարապետ Մայր Եկեղեցւոյ մէջ:
