Այս տարի Առաջաւորաց պահքի Բարեկենդանը կը համընկնի Կիրակի, 21 Յունուարին։ Առաջաւորաց պահքը իւրայատուկ է Հայց. Առաքելական Ս. Եկեղեցւոյ եւ հաստատուած է Ս. Գրիգոր Լուսաւորիչ Հայրապետին կողմէ, մեր ազգի Քրիստոնէութեան դարձին առիթով։ Առաջաւորաց պահքը մեր ժողովուրդի բարեպաշտութեան մէջ ծանօթ է նաեւ Ս. Սարգիսի պահք անունով, քանի որ Առաջաւորաց պահքին յաջորդող շաբաթ օրը Հայաստանեայց եկեղեցին կը նշէ Ս. Սարգիսի տօնը:
Եռօրեայ ծոմապահութիւնը կը սկսի Կիրակի, 21 Յունուարին կէս գիշերին եւ կը շարունակուի մինչեւ Չորեքշաբթի, 24 Յունուարին առաւօտը։
Չորեքշաբթի առաւօտեան, Թեմիս եկեղեցիներուն մէջ Առաջաւորաց պահքի խաչահանգիստ եւ ջրօրհնէք կը կատարուի, որմէ ետք հաւատացեալ ծոմապահները Ս. Հաղորդութիւն եւ օրհնուած ջուր կը ստանան։
