Շաբաթ, 27 Յուլիս 2019-ը, 36-րդ տարելիցն է մեր նորագոյն պատմութեան մէջ գերագոյն զոհողութիւններ յանձն առած եւ հայ դատի պայքարին ճամբուն վրայ իրենց կեանքերը նուիրաբերած Լիզպոնի հինգ հերոսներուն՝ Սիմոն Եահնէեանի, Վաչէ Տաղլեանի, Սարգիս Աբրահամեանի, Արա Գրճըլեանի եւ Սեդրակ Աճէմեանի նահատակութեան:
Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանի տնօրինութեամբ, Կիրակի, 28 Յուլիս 2019-ին, մեր Թեմիս բոլոր եկեղեցիներուն մէջ «Տէր Ողորմեա»ի աղօթք պիտի բարձրացուի Լիզպոնի Հինգին հոգիներուն համար։ Նոյն օրը, մեր Տիրոջ Յիսուս Քրիստոսի Այլակերպութեան տօնն է (Վարդավառ), եւ ինչպէս ծանօթ է, տաղաւար տօներուն հոգեհանգստեան պաշտօն չի կատարուիր։
Կոչ կ’ուղղենք մեր հաւատացեալ ժողովուրդին որ ներկայ գտնուի արարողութեան եւ աղօթքով խոնարհի հերոս նահատակներուն յիշատակին առջեւ։
ԴԻՒԱՆ ԱԶԳԱՅԻՆ ԱՌԱՋՆՈՐԴԱՐԱՆԻ
