Հոլիվուտի Ս. Կարապետ Մայր եկեղեցին այս տարի կը տօնէ իր հիմնադրութեան 40-րդ տարեդարձը։
Եկեղեցւոյ 40-ամեակի տօնակատարութիւնը տեղի ունեցաւ Կիրակի, 29 Ապրիլ 2018-ին, հովանաւորութեամբ եւ ներկայութեամբ Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանի, կազմակերպութեամբ եկեղեցւոյ հոգեւոր հովիւ Արժ. Տ. Վիգէն Աւ. Քհնյ. Վասիլեանի ու հոգաբարձութեան, պատուոյ նախագահութեամբ եկեղեցւոյ օծման կնքահայր Տիար Վահէ Կարապետեանի եւ հիւրընկալութեամբ Տէր եւ Տիկին Տոքթ. Նաւասարդ եւ Մարալ Գազազեանի։
Այս պատմական տարեդարձին առիթով, Առաջնորդ Սրբազանը Կիրակի, 6 Մայիսին, Ս. Պատարագ պիտի մատուցանէ եւ իր պատգամը պիտի փոխանցէ Ս. Կարապետ Մայր եկեղեցւոյ մէջ։
