Ուրբաթ, 9 Մարտ 2018-ին, Հարաւային Քալիֆորնիոյ յարկին տակ գործող «ՇՈԱՀ» հիմնարկը համալսարանին մէջ կազմակերպած էր յատուկ ձեռնարկ մը, պաշտօնապէս իր արխիւներուն մէջ անցընելու համար Փրոֆ. Ռիչըրտ Յովհաննէսեանի բանաւոր արձանագրութեանց արխիւը, որ կ’ընդգրկէ Հայկական Ցեղասպանութենէն վերապրողներու պատմական վկայութիւնները։ Այս ձայնագրեալ ու տեսագրեալ հաւաքածոն առաջին եւ ցարդ ամէնէն հարուստ արխիւն է, որ տրամադրելի է աշխարհի տարածքին Ցեղասպանութիւնը ուսումնասիրողներու։
Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան ներկայ եղաւ ձեռնարկին, օրհնեց Փրոֆ. Ռ. Յովհաննէսեանի վաստակը եւ շնորհաւորեց զինք այս իրագործումին համար։
