Կազմակերպութեամբ Հայոց Ցեղասպանութեան Ոգեկոչման Լոս Անճելըսի Միացեալ Մարմինին, Ուրբաթ, 26 Ապրիլի 2019-ի երեկոյեան, Կլենտէյլի Ս. Գրիգոր Լուսաւորիչ Հայ Կաթողիկէ եկեղեցւոյ «Գույումճեան» սրահին մէջ տեղի ունեցաւ կլոր սեղանի ասուլիս մը «Պահանջատիրութիւն, հատուցում, արդարութիւն» խորագիրով։
Յանուն Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանի, Արժ. Տ. Ղեւոնդ Քհնյ. Քիրազեան ներկայ եղաւ ձեռնարկին։
Բանախօսներն էին Ռումանիոյ խորհրդարանի անդամ Տիար Վարուժան Ոսկանեան, Հարաւային Քալիֆորնիոյ Համալսարանի դասախօս Փրոֆ. Ֆրէնք Ծերունեան եւ միջազգային իրաւաբան Տիար Գառնիկ Քէրքոնեան։
