ԱՌԱՋՆՈՐԴ ՍՐԲԱԶԱՆԸ ՊԻՏԻ ՀԱՆԴԻՍԱՊԵՏԷ ՄՈՆԹԵՊԵԼԼՈՅ Ս. ԽԱԶ ՄԱՅՐ ՏԱՃԱՐԻ Ս. ՊԱՏԱՐԱԳԻՆ
Կիրակի, 20 Դեկտեմբեր 2015ին, Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան պիտի հանդիսապետէ Մոնթեպելլոյի Ս. Խաչ Մայր Տաճարի Ս. Պատարագին եւ պիտի փոխանցէ օրուան խորհուրդը ներկայացնող իր պատգամը։
***
ԱՌԱՋՆՈՐԴ ՍՐԲԱԶԱՆԸ ՆԵՐԿԱՅ ԵՂԱՒ Հ.Յ.Դ. 125ԱՄԵԱԿԻՆ ՆՈՒԻՐՈՒԱԾ ՀՕՄԻ ՏՕՆԱԿԱՏԱՐՈՒԹԵԱՆ
Առաջնորդ Սրբազանը Շաբաթ, 12 Դեկտեմբերի երեկոյեան, ընդառաջելով իրեն ուղղուած հրաւէրին, Կլենտէյլի մէջ ներկայ եղաւ Հ. Յ. Դաշնակցութեան 125ամեակին նուիրուած ՀՕՄԻ Շրջ. Վարչութեան տօնակատարութեան:
Յայտագիրը ունէր բանախօսութեան եւ գեղարուեստական բաժիններ: Իբրեւ բանախօս՝ Արեւելեան Միացեալ Նահանգներէն հրաւիրուած էր ծանօթ մտաւորական Տոքթ. Հայկ Օշական: Գեղարուեստական յայտագիրին մասնակցութիւն բերին ՀՕՄի շաբաթօրեայ դպրոցներու աշակերտները:
***
