Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանն ու Ազգ. Վարչութիւնը այսու գոհունակութեամբ կը յայտնեն մեր ազնիւ ժողովուրդին, թէ Ազգ. Առաջնորդարանի յարկին տակ հաստատուած՝ »Սարգիս Պօղոսեան Հիմնադրամ«ի հասոյթէն 2011-2012 տարեշրջանին համար հազարական տոլարի յատկացում կը կատարուի Ազգային Վարժարաններուն եւ Ֆրէզնոյի Չարլըզ Քէյեան Համագաղութային վարժարանին։
Այս հիմադրամը հաստատուած է հանգուցեալ բարերար Սարգիս Պօղոսեանի կողմէ ի յիշատակ իր կնոջ ու զաւակներուն։ Ըստ բարերարին փափաքին, այս հիմնադրամի դրամատնային հասոյթէն հաւասար կերպով յատկացումներ կը կատարուին մեր վարժարաններուն։
ԴԻՒԱՆ ԱԶԳԱՅԻՆ ԱՌԱՋՆՈՐԴԱՐԱՆԻ
