Կիրակի, 4 Նոյեմբեր 2018-ին, Էնսինոյի Ս. Նահատակաց եկեղեցին պիտի տօնէ օծման 55-րդ տարեդարձը։ Այս առիթով, Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան Ս. Պատարագ պիտի մատուցէ Ս. Նահատակաց եկեղեցւոյ մէջ եւ պիտի ուղղէ իր պատգամը։ Ս. Պատարագի աւարտին, Առաջնորդ Սրբազանը պիտի կատարէ մատաղի օրհնութիւն:
Ուրբաթ, 9 Նոյեմբերի երեկոյեան, «Եունիվըրսըլ Հիլթըն» պանդոկին մէջ տեղի պիտի ունենայ 55-ամեակի տօնախմբութիւն-ճաշկերոյթը, հովանաւորութեամբ եւ ներկայութեամբ Առաջնորդ Սրբազան Հօր եւ նախագահութեամբ Տէր եւ Տիկին Ծերոն եւ Սօնա Թիթիզեան ամոլին։ Ձեռնարկը կազմակերպուած է հոգեւոր հովիւին, հոգաբարձութեան եւ 55-ամեակի յանձնախումբին կողմէ։ Յայտագիրը ունի գեղարուեստական բաժին եւ մոմավառութիւն։
