Երեքշաբթի, 5 Յունիսի կէսօրին, Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան ներկայ եղաւ »Արարատ Տան« Միշըն Հիլզի հաստատութեան մէջ կազմակերպուած ամսական ճաշի ընդունելութեան։ Աւանդաբար, Յունիս ամսուան ճաշը կը հովանաւորէ ՀՕՄի Շրջանային Վարչութիւնը։ Նաեւ իրենց հովանաւորութեամբ ճաշին կը մասնակցէին ընտանիքներ, յարգելով յիշատակը իրենց հարազատներուն։
Առաջնորդ Սրբազանին կþընկերանային Արժ. Տ. Ռազմիկ Քհնյ. Խաչատուրեան եւ Ազգ. Վարչութեան ատենապետուհի Տիկին Ռիմա Պօղոսեան։
Սեղաններու օրհնութեան աղօթքէն ետք, Առաջնորդ Սրբազանը արտասանեց սրտի խօսք։ Ան փառք տուաւ Աստուծոյ, որ առիթը շնորհած է այս համախմբումին, որ կը մէկտեղէ ՀՕՄի ու »Արարատ Տան« ծառայողներն ու զօրակիցները։ Ան գնահատանքով արտայայտուեցաւ ՀՕՄին, ինչպէս նաեւ տարեցներու հոգածութիւնը յանձն առած »Արարատ Տան« նուիրեալներու տասնամեակներու անձնդիր աշխատանքին մասին։ Ան յատկապէս ողջունեց »Արարատ Տան« կողքին կանգնելու ՀՕՄի Շրջ. Վարչութեան ու մասնաճիւղերուն ընթացքին մասին, միաժամանակ վեր առնելով հայութեան կեանքին մէջ ՀՕՄի աշխարհատարած ծառայութիւնները։
