Հինգշաբթի, 18 Սեպտեմբեր 2014-ին, Թեմիս բարեխնամ Առաջնորդ Բարձր. Տ. Մուշեղ Ս. Արք. Մարտիրոսեան ընդունեց Հայ Աւետարանչական Ընկերակցութեան Արեւմտեան Միացեալ Նահանգներու գրասենեակի գործադիր վարիչ տնօրէն Տիար Լեւոն Ֆիլեանն ու Հայկազեան Համալսարանի հոգաբարձութեան եւ Թեմիս Ազգ. Վարժարաններու Խնամակալ Մարմինի անդամ Դոկտ. Յասմիկ Պարանը։
Հիւրերը Առաջնորդ Սրբազան Հայրը տեղեակ պահեցին Հայ Աւետարանչական Ընկերակցութեան եւ Հայկազեան Համալսարանի ներկայ գործունէութեանց մասին, որոնց կարգին՝ միասնաբար իրագործելի ճաշկերոյթը, որ տեղի պիտի ունենայ Նոյեմբեր 15-ին, որուն հրաւիրեցին Առաջնորդ Սրբազանը։ Առաջնորդ Սրբազանն ու հիւրերը նաեւ զրոյց ունեցան Հայկական Վարժարաններու եւ Հայ Երիտասարդութեան դաստիարակութեան մասին։
