ԱՌԱՋՆՈՐԴ ՍՐԲԱԶԱՆԸ ԱԹԻԼԻԱՍ ԿԸ ՄԵԿՆԻ
Թեմիս բարեխնամ Առաջնորդ Բարձր Տ. Մուշեղ Արք. Մարտիրոսեան այս շաբաթավերջին առաքելութեամբ կը մեկնի Պէյրութ:
Անթիլիասի մէջ, Առաջնորդ Սրբազանը հանդիպում պիտի ունենայ Ն.Ս.Օ.Տ.Տ. Արամ Ա. Կաթողկիոսին հետ, խորհրդակցելու համար Նորին Սրբութեան մեր Թեմը կատարելիք յառաջիկայ այցելութեան կարգ մը մանրամասնութեանց մասին:
Ինչպէս ծանօթ է, Վեհափառ Հայրապետը իր այցելութեամբ մեր Թեմը պիտի պատուէ յառաջիկայ 30 Սեպտեմբերէն 4 Հոկտեմբերին, նախագահելով իր գահակալութեան 20ամեակին առիթով հանդիսութեանց եւ արարողութեանց։
Նշենք, որ այս շաբաթավերջին, Կաթողիկոսարանի յարկին տակ տեղի կ’ունենայ համաթեմական երիտասարդական համագումար մը, որուն մեր Թեմէն կը մասնակցի Օր. Զապէլ Կիրակոսեան: Համագումարին զեկոյցներ կը ներկայացուին թեմերու մէջ երիտասարդական աշխատանքներու մասին, նաեւ կը մշակուին գործակցութեան ուղիներ:
