Մեր եկեղեցւոյ տօնացոյցին համաձայն, Շաբաթ, 5 Մարտ 2016ը տօնն է Ս. Քառասնից Մանկանց, քրիստոնէութեան համար իրենց կեանքը զոհած 40 հաւատարիմ զինուորներուն։ Այս առիթով, Օրէնճ Քաունթիի Ս. Քառասնից Մանկանց Եկեղեցին կը տօնէ իր անուանակոչութեան օրը։
Կիրակի, 6 Մարտին, Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան Ս. Պատարագ պիտի մատուցանէ եւ իր պատգամը պիտի փոխանցէ Ս. Քառասնից Մանկանց Եկեղեցւոյ մէջ։ Ս. Պատարագի աւարտին, եկեղեցւոյ կից «Ղուկասեան» սրահին մէջ տեղի պիտի ունենայ մատաղօրհնէք, ձեռամբ Առաջնորդ Սրբազան Հօր։
Կը հրաւիրենք մեր հաւատացեալ ժողովուրդը ներկայ ըլլալու արարողութեանց եւ հաղորդուելու Ս. Քառասնից Մանկանց խորհուրդով։
