ՀԱՆՐԱՊԵՏԱԿԱՆ ՄԱՂԹԱՆՔ ԱՐԵՒՄՏԵԱՆ ԹԵՄԻ ԵԿԵՂԵՑԻՆԵՐՈՒՆ ՄԷՋ ԵՒ ԵՌԱԳՈՅՆ ԴՐՕՇԻ ՕՐՀՆՈՒԹԻՒՆ Ս. ՆԱՀԱՏԱԿԱՑ ԵԿԵՂԵՑՒՈՅ ՄԷՋ
Համայն հայութեան հետ, մեր Թեմը Կիրակի, 28 Մայիս 2017-ին պիտի տօնէ Հայաստանի անդրանիկ հանրապետութեան հիմնադրութեան 99րդ տարեդարձը։
Ազգային այս տօնին առթիւ, Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանի տնօրինումով, Թեմիս բոլոր եկեղեցիներուն մէջ Հանրապետական Մաղթանք պիտի կատարուի եւ հոգեհանգստեան աղօթք պիտի բարձրացուի Սարդարապատի, Ղարաքիլիսէի, Բաշ Ապարանի եւ այլ ճակատամարտներուն ինկած նահատակներուն հոգիներուն համար։
Առաջնորդ Սրբազանը պիտի հանդիսապետէ Էնսինոյի Ս. Նահատակաց Եկեղեցւոյ Ս. Պատարագին, եւ անոր ընթացքին՝ Հանրապետական Մաղթանքի արարողութեան, պիտի կատարէ Եռագոյն Դրօշի օրհնութիւնը եւ պիտի փոխանցէ օրուան խորհուրդէն բխող իր պատգամը։
