Հովանաւորութեամբ Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեանի եւ կազմակերպութեամբ Ազգային Առաջնորդարանի Տիկնանց Օժանդակ Մարմինին, Հինգշաբթի, 26 Սեպտեմբեր 2019-ին, կէսօրէ առաջ ժամը 11։30-ին, Ազգային Առաջնորդարանի «Տիգրան եւ Զարուհի Տէր Ղազարեան» սրահին մէջ տեղի պիտի ունենայ ճաշկերոյթ-դասախօսութիւն մը։ Դասախօսն է Տոքթ. Այտա Ռշտունի-Ճուհարեան, որ պիտի ներկայացնէ «Սնունդի եւ մարզանքի գործօնները մարդու առողջ եւ ներդաշնակ ապրելակերպին վրայ» նիւթը։ Պիտի գործադրուի գեղարուեստական յայտագիր մը, կատարողութեամբ Ազգ. Վահան եւ Անոյշ Շամլեան վարժարանի աշակերտներուն։
Տեղ ապահովելու համար հեռաձայնել Ազգային Առաջնորդարան, 818-248-7737 թիւին կամ Տիկնանց Օժանդակ Մարմինի անդամներուն։ Մուտքի նուէրն է $25։
