Շաբաթ, 23 Օգոստոսի 2014ն, Ամերիկացի Տիւրզիներու Ընկերակցութեան Իկըլ Ռաքի կեդրոնին մէջ տեղի ունեցաւ Լիբանանի բանակին զօրակցութեան հաւաք մը, կազմակերպութեամբ Լիբանանի Հիւպատոսարանին:
Ձեռնարկի աւարտին, Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան Լիբանանի բանակին իր զօրակցութիւնը արտայայտեց Լոս Անճելըսի մօտ Լիբանանի Գլխաւոր Հիւպատոս Ճոնի Իպրահիմի եւ Լիբանանցի հայրենակիցներուն։ Առաջնորդ Սրբազանին կ’ընկերանային Հիւպատոսարանի խորհրդատու յանձնախումբի անդամներ Տեարք Վահան Պզտիկեան եւ Թորոս Քէչէճեան:
