ԱՌԱՋՆՈՐԴ ՍՐԲԱԶԱՆԸ ՊԻՏԻ ՀԱՆԴԻՍԱՊԵՏԷ ՓԱՍԱՏԻՆԱՅԻ Ս. ՍԱՐԳԻՍ ԵԿԵՂԵՑՒՈՅ Ս. ՊԱՏԱՐԱԳԻՆ
Կիրակի, 21 Օգոստոս 2016-ին, Թեմիս բարեխնամ Առաջնորդ Բարձր. Տ. Մուշեղ Արք. Մարտիրոսեան պիտի հանդիսապետէ Փասատինայի Ս. Սարգիս Եկեղեցւոյ Ս. Պատարագին եւ պիտի ուղղէ իր պատգամը:
Յայտնենք, որ այս օրերուն մեր Թեմը կ’այցելէ Արաբական Միացեալ Էմիրութեանց եւ Քաթարի Թեմի Շարժայի շրջանի Ս. Գրիգոր Լուսաւորիչ Եկեղեցւոյ հոգեւոր հովիւ Արժ. Տ. Արամ Քհնյ. Տէմիրճեան: Առաջնորդ Սրբազան Հօր տնօրինութեամբ, հիւր Տէր Հայրը Կիրակի, 21 Օգոստոսին Ս. Պատարագ պիտի մատուցանէ եւ քարոզէ Կլենտէյլի Ս. Աստուածածին Եկեղեցւոյ մէջ:
